| |
Asociación de veciños "San Salvador de Vilarmide"
A Asociación de Veciños "San Salvador de Vilarmide" nace da necesidade de
xuntar esforzos co fin de que os nosos pobos:
Vilarmide, Vilarmirón y O Navallo non perdan o ritmo do progreso
debido, principalmente, á súa escasa relevancia demográfica.
Dende esta asociación traballamos para que as novas
tecnoloxías non sexan soamente un tema de conversación entre nós, senón que
estamos a facer xestións para que sexa posible nun futuro próximo, dotar á nosa
bisbarra de cobertura para acceso a Internet de Banda ancha. Promovemos
actividades culturais entre os nosos veciños e velamos porque o noso ámbito
paisaxístico, e o noso patrimonio arquitectónico e cultural non se vexa
deteriorado polo paso do tempo e o abandono.
Actividades:
|
Axenda da asociación:
|
|
|
|
Preocúpanos....
O ámbito dos nosos pobos |
|
|
|
|
Vista do
barrio de Vilanova -Vilarmide- (Agosto de 2010) |
|
Normativas e regulamentacións van, polo xeral, por detrás do que o uso e a costume
vai demandando. Isto adoita crear certo baleiro legal nalgunhas
circunstancias que o seu efecto na vida diaria non sempre é o desexado.
A despoboación
que van sufrindo as zonas rurais, o conseguinte abandono das
actividades agrícolas e gandeiras e a modificación de usos que se vai
dando aos terreos viuse, en boa medida favorecida por unha discutida
política de concentración parceira que non sempre produciu os efectos
que se previran.
|
O efecto inmediato da "Concentración" foi unha dramática
modificación da paisaxe. Desapareceu a riqueza cromática, as pequenas
fontes que xermolaban nalgúns muros, a diversidade de texturas en
pequenos terreos.... Amplas pistas de terra sucaron as terras rodeando
espazos de cor uniforme. Polígonos parcelados apoderáronse dos
pequenos hortos coa intención de rendibilizar as explotacións.
Moitos dos
propietarios non viven no pobo, co cal o único uso "racional" que
poden dar ás novas parcelas é o repoboación forestal. |
A Fontiña do Vilar. Xa desaparecida (Fotografía
de Silvia Muruáis) |
Talvez a falta
de normativa reguladora, a falta de información e, por que, non a
perspectiva dunha rendibilidade a medio prazo, levou a unha desmedida
proliferación de parcelas repoboadas de piñeiros e eucaliptos que
ameazan mesmo a propia seguridade dos habitantes pola proximidade ao
pobo. Unido a iso vai un deficiente estado de conservación das pistas
cubertas de maleza, o que as transforma, dun hipotético devasas, a un
magnífico vehículo de propagación.
Imponse xa, e principalmente por motivos de seguridade, a adopción
dalgún tipo de medidas que poñan fin e corrixan a actual situación. A
parte da necesaria concienciación dos propietarios, debérase impoñer a
obriga de conservar os terreos e os seus accesos dende a
administración, mediante o cobramento de taxas de conservación aos
propietarios que non realizaran estas tarefas. Con iso poderíanse
crear brigadas de actuación no medio rural o que daría seguridade a
propiedades, persoas e animais e, porqué non, contribuiría á creación
de emprego na zona. |
|
|
|
|
O estado da ponte |
|
|
|
|
|
Fotografía de Outubro de 2010 |
|
O paso natural e tradicional,
principalmente peonil e agrícola, cara a marxe esquerda do río, é a
través da ponte situada no ámbito do muíño de
Rocha. Lonxe de ser a ponte que nos une cos nosos veciños de
Galegos e demais pobos do Concello de
Riotorto, na actualidade "sepáranos"
debido ao risco que supón o seu uso.
Se ben é certo que a maior parte das comunicacións se realizan por
estrada, a pesca constitúe unha actividade importante no noso ámbito,
sen esquecer que o sendeirismo podería converterse nun importante
reclamo, se para iso mantemos unha infraestrutura en óptimas
condicións e conservamos noso rico ámbito natural.
A construción actual data de 1.965 e o seu estado de conservación é
pésimo. Non ten ningún tipo de varanda, a estrutura está cambada e os
piares sobre os que se asenta presentan gretas e falta de
verticalidade. |
|
|
|
|
Volver
Noticias
-Área recreativa de "Fondón"
O pasado sábado 17 de xullo de 2010 ás 14h.
tivo lugar a inauguración da área recreativa de "Fondón"
no ámbito de Vilaboa. O proxecto foi
patrocinado polo Concello da Pontenova coa
presenza do alcalde Darío Campos Conde, e
organizado polas asociacións de veciños "San
Xulián de Vilaboa, "San
Miguel de Vilaemil e "San
Salvador " de Vilarmide xunto coa
Asociación Cultural da Hermida.
|
A área encóntrase situada á beira do río e está
dotada dun amplo aparcadoiro, numerosas mesas e grellas, zona
infantil, aseos e unha magnífica zona de baño. |
|
|
Volver
Comidas de irmandade
-Sardiñada.
O domingo 26 de xuño terá lugar unha sardiñada ao mediodía en Vilarmide.
O prezo é de 5€. Nenos gratis
-Churrascada en agosto.
Como era de esperar o éxito foi total. Unhas cen persoas xuntámonos co
propósito de "resucitar" aquela festa un pouco durmida do noso patrón "San
Salvador". O bo ánimo, o bo comer e beber reuniu a un montón de
veciños e familiares ao redor dunha barbacoa e unha carpa no exterior da
escola. Música, risas, chistes e ambiente desenfadado presidiron un día
que se prolongou ata máis das cinco da mañá (estamos feitos uns rapaces).
Grazas a nosa particular "reporteira destacada"
Tanya, contamos co testemuño gráfico que podedes ver no apartado de
imaxes Actos Sociais.
Esperámosvos a todos na próxima.
-Churrascada no Navallo.
Dentro do esforzo constante por
manter os lazos que unen a nosa xente, destacan notablemente os
veciños do Navallo.
“A pesar
del abandono, la memoria colectiva del pueblo es un auténtico tesoro
que sus antiguos habitantes y sus descendientes se niegan tercamente a
perder” (Diario "El
Progreso" o 31 de outubro de 2010) |
Participantes na "churrascada" o 31 de outobro |
Con certa frecuencia celébranse
comidas de irmandade coa finalidade de que esa "memoria colectiva" non
se transforme en esquecemento colectivo. O pasado 31 de outubro tivo
lugar unha churrascada que convocou a
decenas de familiares, antigos veciños e amigos dos tres habitantes
que permanecen no pobo.
O feito foi recollido polo diario "El progreso"
http://elprogreso.galiciae.com/nova/66278.html |
|
|
|
|
Volver
Excursions
Vilarmide-Begonte
O pasado 24 de Xaneiro fómonos a Begonte a
ver o famoso Belén que montan todos os anos por Nadal. O día era fabuloso
para a ocasión pero o frío recordábanos que estabamos en pleno inverno.
Saímos de Vilarmide,
Vilarmirón e o Navallo despois de
comer. Chegados a Begonte realizamos a visita
correspondente para despois acudir a visitar a casa do famoso artista
Víctor Corral. Máis tarde un refrixerio nun
bar próximo, reconfortounos por dentro e por fóra para emprender a viaxe
de volta amenizada por música da nosa rexión.
A nosa incansable reporteira Tanya
enviounos a crónica e as fotografías correspondentes que podedes ver no
apartado de imaxes: Actos Sociais.
Volver
Actas de asembleas
Volver
Asemblea anual
Convócase asemblea xeral de socios para o día sábado 14 de Agosto de
2010 ás 18h 30' en primeira convocatoria e ás 19h. en segunda convocatoria coa seguinte
orde do día:
| Que é, como e porqué se fundou a Asociación de Veciños-as "San
Salvador de Vilarmide" |
| Estado de contas. |
| Proposta de actividades. |
| Presentación da páxina web da asociación |
| Rogos y preguntas. |
Volver
Comunicados
Comunicado do 4 de Maio
de 2010 (pdf) Volver
Manualidades
Con certa regularidade realizamos cursos
de manualidades encamiñados a xestionar o ocio e, porqué non, a formar a
nosa xente en aspectos que axuden na vida diaria.
|
Unha mostra é o
curso de abelorios impartido por Modesta e que contou coa
participación de catorce alumnas de Vilarmide
e de arredores. |
|
Os asistentes aos cursos de Abelorios e
Cestaría celebrarán unha comida de fin de curso o sábado 2 de xullo en
"Casa Horacio" de Ribeira de Piquín. |
|
|
|
|
Volver
Opinións, información, solicitude de cursos, actividades ou calquera tema
relativo á Asociación de Veciñ@s dirixirse a:
secretaria@vilarmide.net |
|