| |
Quenes Somos
Mundo global....
Aldea global.
Dende o noso pequeno canto de Galicia percibimos, como todos, o
vertixinoso ritmo da evolución. Hoxe en día todo sucede tan
a presa que moitas cousas nacen e morren, sen
darlles sequera a oportunidade de SER.
Dende o noso pequeno
canto decidimos asomarnos, ensinarnos, mostralo ao mundo que tamén
existimos, que temos inquedanzas, que temos cousas que compartir e que
queremos compartilas.
O noso pequeno
canto é tan pequeno, que tivemos que
unirnos tres núcleos rurais en torno á Asociación de veciños "San
Salvador de Vilarmide", para poder
afrontar certos proxectos comúns que, doutro xeito, sería moi difícil
abordar.
Queremos compartir a nosa
paisaxe e o noso paisanaxe, as nosas festas,
as nosas inquedanzas e sobre todo, achegar ao que nos visita ese ritmo
rural, tranquilo, sereno e amigable que proporciona un momento de
conversación.
|
|
Algúns de nós fómos-nos,
outros quedamos aquí e outros voltamos. Queremos que este sexa un espazo
común, un punto de encontro dos que estamos lonxe cos que estamos preto.
Aldea global.... Mundo global.
|
|